தற்கொலை விடுதலை அல்ல...

வருணன் பூமியை முத்தமிட மறந்த நேரம்
ஏழை விவசாயி பூச்சிகொல்லியை முத்தமிட்டிருந்தான்
விவரம் தெரியாமல் விளையாடிக்கொண்டிருக்கும் பாலகனையும்
தாயோடு சேர்ந்து அழுதுகொண்டிருக்கும் கருவையும் விட்டுவிட்டு...

முயற்சி...

முயற்சி...

என் முயற்சியில்

ஓவ்வொரு முறையும்

தோற்றுக்கொண்டே இருக்கிறேன்

உன்னை கவர‌

உன் நினைவுகளில்

இருந்து மீள...

கைதி

கைதி

வெள்ளிக் கிண்ணம்

வெண் சோறு

பச்சைக் கிளி

ஈயத் தட்டு

மஞ்சள் சோறு

மானமில்லா மனிதன்

வித்தியாசம் இல்லை

இருவரும் கைதிகள்

ஏற்றுக்கொள்...

ஏற்றுக்கொள்

உன்னிடம் அடைக்களமாக காத்திருக்கின்றன

உன் நினைவுமாறா என் இதயமும்

முள்ளில்லா சிவப்பு ரோஜாவும்...

விளம்பரங்களில் தான் எத்தனை அழகு?

விளம்பரங்களில் தான் எத்தனை அழகு?

மொக்கைப் படங்களின்

நடுவில் வரும்

விளம்பரங்களில்தான்

எத்தனை அழகு?

வெயிலை சேமிக்க‌

இடம் தேடும் குழந்தை

சோப்புக்குள் அடைக்கும் தாய்

தான் தாயாக இருப்பதை

சிறு கோப்பையில்

காபி ஊற்றி

தெரியப்படுத்தும் மனைவி

தினமும் இனிப்பு கொடுத்து

காதல் சொல்லும் கணவன்

தோழியை தள்ளிவிட்டதற்காக

சேற்றை அடிக்கும் தோழன்

விளம்பரங்களில் தான் எத்தனை அழகு?

அவள் இல்லாத நொடி

அவள் இல்லாத நொடிகளைக் கடக்க

முள்ளுக்கும் வலிக்கிறது போலும்

மெதுவாய் நகர்கிறது...

அவள்...

மகிழ்ச்சிக்கும் துக்கத்திற்க்கும்

ஒரு வித்தியாசம்தான்.

அவள்...

கை கொடு

உன் நினைவுகளில்

மூழ்குகிறேன்

காப்பாற்ற கைகொடுப்பாய்

என்று...

இயற்கையின் பதில்

இயற்கையை வென்றுவிட்டோம்

என்று நினைக்கும் நொடிப்பொழுதில்

இல்லையென்று தன் சீற்றத்தால்

பதில் அளிக்கிறாள் இயற்கை...

தோழி...

பிறந்தது முதல்

ஒன்றாய்த்தான் திரிந்தோம்

நான் அரிசி கொண்டுவர‌

அவள் பருப்பு கொண்டுவந்தாள்

கூட்டாஞ்சோறு ஆக்கினோம்

மா கொய்யா

சப்போட்டா என்று

இருவரும் சேர்ந்து

திருடாத கனியுமில்லை

தோட்டமும் இல்லை

ஏனோ வரவில்லை

இரண்டு நாட்களாய்

விசாரிக்க அவள்

இல்லம் சென்றேன்

இனிமேல் விளையாட‌

வரமாட்டாள் என்றாள்

அவளின் அம்மா

அடுத்த வாரம் அவளுக்கு

நன்னீராட்டு விழாவாம்...

சுவைக்காத ஆப்பிள்

அணில் தின்றுவிட்டுப் போட்ட

கொய்யாப்பழத்தின் சுவை ஏனோ

ஏசி பழமுதிர் சோலையில்

பளபளப்பாய் மிண்ணும்

ஆப்பிளில் கிடைப்பதில்லை...